首頁

2013年8月16日 星期五

香蒜牛油煎鮑魚

香蒜牛油煎鮑魚

                   


 



成日諗...

點解新鮮鮑魚只可以蒸 / 煲湯 ?!?!?!?

因為要食鮮味?...

mnm....記得食過鮮鮑鐵板燒....好好味吖....但都好貴吖....

奇怪...

鮮鮑...就算南非鮑...一隻喺街市買...

好大隻都只係三四十蚊...

出面鐵板燒就閒閒哋二三佰蚊...

hehe...

仲要上次朋友仔帶我去荃灣買咗樽...日本嚟嘅香蒜牛油...



一於買幾隻南非鮑...玩吓先...



喇...各人喜好呀 ...

我鍾意食埋嗰 pat 膏嘅...所以留番佢...

如果唔鍾意的話...清洗時可自行棄掉...

但個鮑魚咀就一定要剪咗佢嘞...


洗淨去殼...

喺個鑊到落D香蒜牛油...冇就自己整D蒜蓉 & 牛油起鑊啦...

將鮑魚平底嗰邊先煎一分鐘 (大火呀)...




反轉...加日本清酒...蓋蓋1分鐘...

開蓋再反轉...再煎1分鐘...

臨尾加多D香蒜牛油, 少許黑椒...

1湯匙鰹魚/昆布豉油 (唔鍾意有汁可以唔落...更似鐵板燒咁白)...

熄火上碟...



hehe...用刀叉享用啦~~~

一佰蚊左右就有三隻四吋大鮮鮑鋸鋸吓...

唔錯 ga...