首頁

2013年6月19日 星期三

DIY 自家製香茜牛肝菌雞肉腸 (附食譜)







父親節...有咩節目???

就係用我上一篇喺荃灣買到嘅...來自澳洲嘅 collagen ....腸衣....

同肥爸玩整腸仔喇...


 
其實肥爸自小好喜歡食香腸...但自佢發病後...

喺我嘅魔掌之下...成日都比我禁制佢食D咁冇益嘅嘢....

知佢恨食...所以果日比我見到個入腸機...

就二話不說買嚟整D自家製嘅腸比佢食....

用料好D...健康D...就可以比佢食多幾條啦....


白色一卷卷呢D就係腸衣....唔係畫紙嚟 ga...

我只係買咗其中一條...已經有成10M長...可做60-70條腸ga la....




做法 :

先將D雞脾肉切成粗條...加調味料醃過夜...(不過我醃咗兩個鐘...都已經好鬼入味喇...)

我用嘅調味料 : (...醃六塊雞脾肉計)

鹽麴 3湯匙 (或可用鹽2茶匙) ... 大孖頭抽2湯匙...

乾嘅什香草半湯匙...胡椒粉半茶匙...糖1湯匙...油少許...

五年陳紹興酒2湯匙...蒜蓉2湯匙 (唔鍾意咁蒜...可減量ga)




牛肝菌略洗...浸軟身就切碎備用 (不要浸太耐...以免香氣漏失呀)



意大利芫茜 (香D ga)...洗淨瀝乾切碎



一切就緒...可以開工喇...


呢隻腸衣好方便...唔使浸水 ga...剪好大約長度...

一端打個結...另一端套入個機咀...再用棉繩扎實打結...




將雞肉 , 牛肝菌 , 芫茜混入機內...攪碎後直接唧入腸衣內...



每隔一小段...擰成一條條肉腸...

每條腸頭尾都要督兩個小洞...以便加熱時可疏氣...




第一次整以為漲卜卜先好...最後一條因為唔夠長打結...要唧番一部份嘅肉出嚟先打到...見佢好醜樣...點知原來煎完最靚反而係佢....(因為佢一受熱漲起啱啱好...其他入得太漲...結果有一半腸衣爆開咗呀...)




住落油將腸中火煎5分鐘...加蓋轉慢火焗5分鐘...開蓋轉大火煎香就OK喇...



hehe...第一次整...一D長一D短...有D又爆咗衣...好醜樣呀...

希望下次整會靚D啦...不過真係好好味呀 !!!