蕃茄蟹肉杯 ~ ad hoc club (2) - 蕃茄 Tomato

 

~ 蕃茄蟹肉杯 ~

 

 

 

 

交功課喇....

blog友仔...11R 攪嘅 ad hoc club...每個月兩次...

唔同嘅食材...去做唔同嘅菜式....

對差不多天天都要下廚嘅我...

煮 dinner 好似已經變得無咩新意嘅例行公事...

所以...雖然 miss 咗第一次嘅牛肝菌...

但係...都想參予這玩意...

希望...胡李媽媽嘅廚房...

可以...重新加點點情趣...加點點新煮意衝擊啦...


今次食材係...蕃茄...

天氣又熱又悶...冇咩胃口...蕃茄清清哋又真係好啱時候喎...


我諗咗個熱食又得...整完雪涷佢先食又得嘅...



材料好簡單...


1. 荷蘭大藤茄 - 主角 (3隻)


2. 蟹肉 - 1/2盒


3. 蛋 - 2隻


~ 做法 ~




~ 打好雞蛋...隔去泡泡...1份蛋汁加1份涷水...

~ 加 1/4 茶匙鹽 & 1茶匙日本鰹魚白醬油...
( 好喜歡用呢隻白醬油...鮮味唔會死鹹...又唔會令食物變深色)




~ 加半盒蟹肉入蛋汁拌勻...




~ 蕃茄洗淨切開頂部...用刀將裡面汁核挑出...



...正想和阿仔商量點處理挑出嚟嘅汁肉...

佢就拎咗就咁食晒...仲 hehehe 話好好味,

haha 一D 都冇浪費喇...




OK...言歸正傳...


~ 跟住將D蟹肉蛋汁倒入蕃茄內...




~ 放入蒸盤內...先用大火煲滾後轉細火蒸約 15分鐘...

(如果蕃茄 size 唔大...蒸 10-12分鐘就可以喇)



~ 蒸好加少許黑椒碎就OK喇...





~ 另外...又可以放涼後入雪櫃至冷凍再食...都好好味 ga...




雖然...簡簡單單...

但...低鹽冇油清淡又好味...

其實真係一款不錯嘅菜式嚟 ga...